Öryggismál

Upplýsingar um öryggi einstaklinga

Hér tökum við saman margvísleg atriði er fjalla um öryggismál fólks í samfélaginu.

Hvar eru lyklarnir mínir? - Key seeker

Key seeker er lítill nemi sem þú hefur á lyklakippunni. Ef þú veist ekki hvar þú lagðir lyklana frá þér getur þú smellt á tæki eða spjald og þá heyrist í nemanum. Það er einnig möguleiki að setja þetta á veski, hækju o.s.frv. Key seeker er til sölu í mörgum lykla og lásabúðum.

Lyklabox - aukalyklar

Það getur hentað mörgum að hafa aukalykil í lyklaboxi sem er gjarnan fest við húsið - staðsetja það þannig að það blasi ekki við öllum. Þetta er lítið box sem lyklill er geymdur í og er hurð þess læst með talnalykli. Ef þú ætlar að nota lyklabox kauptu þá vandað box svo ekki sé auðvelt að spenna það upp. Lyklabox getur minnkað líkur á að fólk sé læst úti. Séu margir aðrir en heimilisfólk sem þurfa að komast inn (s.s. ræsting, heimahjúkrun og ættingjar) þá losnar fólk við að dreifa húslyklum til margra aðila. Lyklarnir eru til taks í lyklaboxinu og þarf því aðeins að deila lykilorðinu að talnalásnum. Þeir aðilar sem við vitum að selja lyklabox eru BB festingNeyðarþjónustan, Rafhitun og Vélar og verkfæri

Hin leiðin er að fela aukalykil fyrir utan húsið eða íbúðina og þá reynir á hugmyndaflugið að velja góðan stað. Einnig má semja við nágranna, ef gott traust er þar á milli, að geyma aukalykil.

MedicAlert

MedicAlert er alþjóðlegt neyðarþjónustukerfi sem er rekið án ágóða og víða í sjálfboðavinnu.   MedicAlert eru alþjóðleg öryggissamtök, rekin án ágóða, sem veita upplýsingar um merkisbera á neyðarstundu og hafa starfað hér á landi í aldarfjórðung. Í Íslandsdeildinni, eru yfir 6000 merkisberar, en höfuðstöðvarnar í Californíu þjóna milljónum merkisberum í yfir 40 löndum.

Um er að ræða þríþætt kerfi:

  • Merkið er borið í keðju um háls eða úlnlið.
  • Plastspjaldið, sem er í kreditkortastærð fyrir veski, er með fyllri upplýsingum.
  • Loks eru ýtarlegastar upplýsingar á tölvuskrá, sem er í vörslu Slysa- og bráðadeildar Landspítalans, en þar er gjaldfrjáls sólarhrings vaktþjónusta fyrir neyðarnúmer MedicAlert.

Öryggishnappar - sjúkrakallkerfi

Síðustu ár hefur orðið talsverð þróun "öryggishnappa" sem sérstaklega aldraðir bera á sér í formi hnappa um hálsinn, á armbandi, er síminn (snjallsími) orðinn hluti af búnaðinum. Þá hafa verið þróaðar ýmsar sjálfvirkar lausnir sem t.d. lesa umhverfi þess sem er "vaktaður" og gerir búnaðurinn viðvart ef breyting verður í umhverfi viðkomandi t.d. ef viðkomandi hefur ekki hreyft sig lengi, breyting verður á hitastigi í íbúðinni/herbergi viðkomandi, neysla vatns breytist frá venju, osfrv. Þannig er farið að ræða um sjúkrakallkerfi eða heimstoð í stað öryggishnappa. Tækniþróunin er ansi hröð á þessu sviði. Vitað er að eftirtalin fyrirtæki eru að bjóða "öryggishnapp" eða eitthvað form af sjúkrakallkerfi og þarf fólk að kynna sér vel mun á eðli þeirra lausna:

Öryggisvöktunarbúnaður - heimaöryggiskerfi

Öryggiskerfi fyrir heimili hafa verið í boði í áratugi. Þetta hefur lengst af verið frekar staðlaður búnaður tengdur við vaktaðar stöðvar viðkomandi öryggisfyrirtækja. Þessi búnaður les hreyfingar í hinu vaktaða rými heimilis, þá hafa reykskynjarar og rakaskynjarar verið hluti af þessu kerfi. Síðar bættust eftirlitsmyndavélar við. Fólk virkjaði svo öryggiskerfið er það fór að heiman og ef einhver skynjaranna nam frávik fóru boð til vaktfyrirtækjanna sem brugðust þá við. 

Síðustu ár hafa orðið miklar tæknibreytingar með tilkomu t.d. snjallsíma og betri nettenginga. Í dag getur fólk keypt sér víða (og í netverslunum) einfaldan eftirlitsbúnað sem það getur jafnvel sett sjálft upp (eða keypt þá þjónustu) og búnaðurinn sendir fólki boð í símann ef eitthvað gerist. Fólki er ráðlagt að kynna sér vel hvaða þjónusta eða búnaður hentar hverjum og einum. Hér á eftir eru nokkur fyrirtæki sem bjóða vöktun og önnur er selja vaktabúnað:

Slysavarnir

Á vefsíðu   Slysavarnarfélagsins Landsbjargar má finna upplýsingabæklinginn Örugg efri ár!, en þar er farið yfir hagnýt atriði sem allir geta nýtt sér varðandi slysavarnir á heimilinu.
Gott er að fara yfir gátlistann sem er aftast í þessum bæklingi Landsbjargar en þar eru talin upp mikilvægustu öryggisatriðin er varða heimilisöryggi.

Hér eru tenglar inn á ýmis atriði er varða slysavarnir. 


Slysavarnarfélagið Landsbjörg hefur látið útbúa nokkur fræðslumyndbönd er varða ýmis öryggisatrið: Fræðslumyndbönd Slysavarnafélagsins Landsbjargar

 Á vefsíðu Miðstöðvar slysavarna barna má finna margvíslegar upplýsingar um slysavarnir fyrir alla aldurshópa. 


Athugið að efni hér fyrir ofan er fengið af vef viðkomandi stofnana/fyrirtækja.

Til baka