Daglegt líf

Hér söfnum við saman ýmsum hagnýtum upplýsingum sem varða daglegt líf bæði innan veggja heimilisins og utan. Hafir þú upplýsingar sem þú telur að geti gagnast öðrum varðandi daglegt líf þá biðjum við þig um að hafa samband við okkur.

Baðherbergi



Eldhús

  • Smáhjálpartæki sem nýtast í eldhúsinu fást t.d. hjá Eirberg, Fastus  og Stoð.
  • Klaran.is er vefverslun sem sérhæfir sig í vörum sem einfalda vinnuna í eldhúsinu. Hentar einnig fólki sem eingöngu notar aðra hendina, án þess að vera sérstaklega hannaðar fyrir fatlaða.
  • Algild hönnun í eldhúsum, leiðbeiningar frá Mannvirkjastofnun. 
  • Aðgengilegar eldhúsinnréttingar má sjá til dæmis hjá Howdens og Eirberg

Fatnaður fyrir hjólastólanotendur

Hér eru upplýsingar um erlendar síður sem selja föt sérsniðinn að ólíkum þörfum fólks með mismunandi fatlanir. Því miður vitum við ekki til þess að söluaðilar á Íslandi selji slíkan fatnað en saumastofur bjóða upp á að breyta fatnaði og sauma sérsniðin föt frá grunni.

Dórukot tekur að sér sérsaum á hlífðarfatnaði og hefur m.a. gert svuntur fyrir hjólastóla.

Gleym mér ei, er fóðraður hlífðarpoki sem hentar vel til útivistar, fyrir fólk á ýmsum aldri. Kemur sér vel til að klæða kuldann af sér fyrir fólk á rafskutlu eða hjólastól. Hlífðarpokarnir fást í 3 stærðum en einnig er saumað eftir máli. Nánari upplýsingar veitir Alda saumakona í síma 849 0446 eða netfangið aldagardars(hjá)gmail.com

Hér að neðan eru nokkrar erlendar netverslanir sem selja sérhæfðan fatnað.

abldenim.com

alterurego.co

cur8able.com

rollimoden.de

rollinwear.com


Ef þú veist um fleiri síður sem selja sérsniðinn fatnað máttu endilega láta okkur vita.

Garðurinn

Hér eru hugmyndir að útfærslu á garðinum þannig að hann henti hreyfihömluðu fólki. Ábendingar um fleiri atriði sem hjálpa fötluðu fólki við að hugsa um garðinn sinn eru vel þegnar.


Innkaupakerrur fyrir hjólastóla

Nokkrar verslanir bjóða upp á innkaupakerrur sem hægt er að festa við hjólastóla. Þær verslanir sem við höfum fengið upplýsingar frá (desember 2015) eru:

Fjarðarkaup, Hafnarfirði

Hagkaup, allar verslanir. Það þarf að óska eftir þeim við starfsfólk sem sækir þær fyrir þig.

Ikea

Iceland, Engihjalla

Krónan (Akranesi, Bíldshöfða, Granda, Lindum, Mosfellsbæ, Selfossi)

Nettó, Mjódd

Útivist

  • Hægt er að fá hanska fyrir hjólastólanotendur á nokkrum stöðum. Fossberg selur ýmsar gerðir af hönskum en það er ekki gott hjólastólaaðgengi þangað inn (upplýsingar frá hjólastólanotanda í apríl 2014). Einnig eru seldir sterkir hanskar í Verkfæralagernum sem er í Smáranum í Kópavogi, gott aðgengi (upplýsingar í desember 2015). Ef þú veist um fleiri staði sem selja hanska fyrir hjólastólanotendur máttu gjarnan láta okkur vita.
  • Til eru sérstakir útivistarhjólastólar, svokallaðir Hippocampe, á nokkrum stöðum á landinu sem hægt er að fá lánaða án endurgjalds. Útvistarhjólastóll auðveldar einstaklingum sem eiga erfitt með gang eða nota hjólastóla að fara um mólendi, strendur og í snjó, en hægt er að setja skíði undir stólinn til að fara um í snjó. Á höfuðborgarsvæðinu eru þessir stólar til útláns hjá Grensás, Styrktarfélagi lamaðra og fatlaðra og hjá Íþróttasambandi fatlaðra. Á Akureyri er til stóll hjá Sjálfsbjörg, á Akranesi er einn stóll en hann er staðsettur á sambýli og svo eru til útivistarhjólastólar á Húsavík, Egilsstöðum, Ísafirði og Vestmannaeyjum. Nánari upplýsingar fást hjá Íþróttasambandi fatlaðra.

  • Farturinn er hjálpartæki fyrir hjólastóla. Farturinn er rafknúinn búnaður sem settur er framan á hjólastóla, sjá nánar á facebook síðu Fartsins.
  • Hjá Léttitækni er hægt að kaupa rafknúinn klifurstól. Klifurstóll klífur tröppur og stiga þannig að aðstoðarmaður þess sem á erfitt með gang eða þess sem notar hjólastól þarf ekki að reyna mikið á sig við að aðstoða einstaklinginn upp stigann.
    Léttitækni selur einnig Segway hjólin sem gætu hentað mörgum sem geta staðið en geta ekki gengið lengi.
  • Rafgeymasalan í Hafnarfirði selur rafgeyma í rafskutlur. Það sem þarf að athuga eru Amper stundir á rafgeymi, hve mörg voltin eru og ummálið á geymnum (hæð, breidd og lengd).
  • Leiðbeiningar og góð ráð um notkun vél- eða rafknúinna hjóla sem eru hönnuð fyrir allt að 25 km hraða má finna á vef Samgöngustofu.

Gagnlegar vefsíður

 

Í kafla okkar um aðgengi má finna lista yfir aðgengileg veitinga- og kaffihús og  ýmiskonar þjónustu.


Til baka