Íþróttagreinar

Sund

Sundið er sú íþróttagrein sem hefur verið hvað lengst stunduð af fötluðu fólki. Fatlaðir íslenskir sundmenn hafa frá upphafi verið mjög sigursælir á alþjóðlegum mótum en ÍFR hefur t.d. átt keppendur í sundi á fjölda Norðurlanda- Evrópu- Heimsmeistara- og Ólympíumótum fatlaðs fólks.

Boccia

Boccia er vinsælasta íþróttagreinin á meðal fatlaðs fólks hér á landi. Í boccia er leikið með 6 mislitum boltum og einum hvítum. Hvíta boltanum er fyrst kastað fram á völlinn og síðan er markmiðið að hitta sem næst honum með hinum boltunum. Það lið sem hefur fleiri bolta nær þeim hvíta hlýtur flest stig.

Borðtennis

Borðtennis er æft hjá íþróttafélögunum ÍFR og Akri. Borðtennis hjá ÍFR hefur verið stundað allt frá árinu 1974 af ungum sem öldnum. Íþróttafélagið Akur hefur lengið boðið upp á borðtennis og eru fatlaðir jafnt sem ófatlaðir sem sækja þær æfingar.

Bogfimi

Bogfimi hefur verið stunduð innan ÍFR frá því að félagið hóf starfsemi sína. Bæði ófatlað fólk og fatlað stundar þessa grein hjá félaginu. Æfingar í bogfimi fara m.a. fram á Hamranesvelli í Hafnarfirði og við Urriðakotsvatn í Garðabæ.
Bogfimisetrið býður upp á námskeið fyrir þá sem vilja æfa og keppa í bogfimi, en fólk þarf ekki að eiga búnað til að geta komið og prófað. 

Golf

Golfsamtök fatlaðra á Íslandi (GSFÍ) eru með æfingar í Hraunkoti hjá golfklúbbnum Keili í Hafnarfirði. Facebooksíða GSFÍ

Hestamennska

Hestamannafélagið Hörður í Mosfellsbæ býður fötluðu fólki upp á reiðnámskeið. Sjá nánari upplýsingar á heimasíðu félagsins.

Hjólastólahandbolti

Frá því haustið 2010 hefur hjólastólahandbolti verið stundaður hér á landi, bæði af fötluðu fólki og ófötluðu. Hjólastólahandboltinn hefur verið æfður hjá Val en liggur í dvala eins og er. 

Hjólastólakörfuknattleikur 

Sjá myndband hér

ÍFR býður upp á æfingar í hjólastólakörfuknattleik. Á æfingarnar eru allir velkomnir hvort sem þeir notist daglega við hjólastól eða ekki. Áhugasamir verða að koma með stól sjálfir en stefnt er að því í framtíðinni að geta lánað nokkra stóla til æfinganna. Æfingarnar fara fram í íþróttahúsi ÍFR, Hátúni 14, kl. 21:00 á mánudögum og sunnudögum kl. 16:20. körfuboltaæfingar á mánudögum kl. 21.00 og sunnudögum kl. 16.20.


 

Skíðaiðkun

Með rétta búnaðinum geta flest allir komist á skíði. Sá sérbúnaður sem hreyfihamlað fólk hefur nýtt sér eru stafaskíði (hefðbundin skíði á fótum en skíðastafurinn er einnig með skíðum), setskíði og skíðagrind. Skíðasvæðið í Hlíðarfjalli hefur mest af sérbúnaði á landinu en jafnframt er til búnaður í Bláfjöllum og tvö setskíði eru til á skíðasvæðinu í Oddskarði.

Skotfimi

Skotfélag Reykjavíkur er með æfingar í skotfimi og þar hafa hreyfihamlaðir verið að æfa. Hjá Skotfélagi Reykjavíkur á að vera gott aðgengi og aðgengilegt salerni fyrir hjólastólanotendur. Það eru þjálfarar á staðnum og þeir lána byssur. Sjá nánar hjá heimasíðu Skotfélags Reykjavíkur




Athugið að efni hér fyrir ofan er fengið af vef viðkomandi stofnana/fyrirtækja.

Til baka