Afsláttur

Bensínafsláttur

Sjálfsbjörg er með samning við Olís um afslátt á bensíni og ýmsum vörum. Hjá Skeljungi (Shell bensínstöðvar) borgar maður ekki hærra verð þó svo starfsmaður dæli bensíni á bílinn.

GSMbensín er verðkönnunarþjónusta fyrir bensín- og olíuverð. Upplýsingum um verð olíufélaganna er aflað reglulega og stöðvarnar birtar í hækkandi röð.

N1

N1 býður Sjálfsbjargarfélögum afslátt af bensíni og bílatengdum vörum. Hægt er að sækja um N1 kort á heimasíðu N1 eða í síma 440 1100. Einnig er hægt að senda þeim tölvupóst á netfangið n1(hja)n1.is. Nánari upplýsingar um sérkjör fyrir Sjálfsbjargarfélaga hjá N1. (mars 2015).

Olís

Olís og ÓB lykill veitir Sjálfsbjargarfélögum afslátt af bensíni, bæði í þjónustu og sjálfsafgreiðslu. Einnig 10%-15% afslátt af vörum í versluninni og annars staðar. Nánari upplýsingar um afslátt hjá Olís og ÓB má finna í þessu skjali (mars 2015).

Skeljungur

Skeljungur býður Sjálfsbjargarfélögum afslátt af bensíni og öðrum vörum. Hægt er að sækja um lykil/kort hjá Skeljungi og fengið þar með afslátt af bensíni, og auka afslátt ef valin er ákveðin Shellstöð. Einnig er afsláttur af bíltengdum vörum, þjónustu smurstöðva Skeljungs, bensíni hjá Orkunni og hjá samstarfsaðilum. Félagsmenn geta sótt rafrænt um kortið og setja þá SJÁLFSBJÖRG í reitinn hópur. Shell er nú orðinn aðal styrktaraðili Sjálfsbjargar með eldsneyti. Sjá nánar um styrki til Sjálfsbjargar og fríðindi með Orkulykli.

Allar Shell-stöðvar hafa starfsmann á plani frá kl. 11:30 til 19:30 alla daga vikunnar, nema í Garðabæ og á Laugavegi er þessi þjónusta ekki í boði um helgar (mars 2015).


Bifreiðaskoðun

Aðalskoðun

Aðalskoðun býður öryrkjum 15% afslátt af skoðunargjaldi.

Frumherji

Frumherji býður öryrkjum 20% afslátt af skoðunargjaldi.

Tékkland

Hjá Tékklandi fá öryrkjar 15% afslátt af bifreiðaskoðun.

Bílaþvottur

Bílaspa

Örorkulífeyrisþegar fá 20% afslátt af bílaþvotti hjá Bílaspa. Möguleiki á meiri afslætti ef einstaklingurinn gerist fastakúnni. Þeir hjá Bílaspa koma á staðinn með allar græjur (um er að ræða gufuþvott).
Upplýsingar fengnar í samtali við starfsmann Bílaspa, 14. 08. 2013. 

Löður

Löður veita 12% afslátt til öryrkja og eldri borgara á bílaþvotti á svamburstastöð Fiskislóð 29, Reykjavík. Opið er frá 08:00 til 19:00 alla daga vikunnar. Gott aðgengi er fyrir hreyfihamlaða. 13.12.2016). Nánar um Löður.

Bón- og þvottastöðin

Bón og þvottastöðin veita 10% afslátt il öryrkja og eldri borgara.  Gamla bón og þvottastöðin sem var í Sóltúni en er nú á Grjóthálsi 10 Reykjavík (fyrir neðan Ölgerðina við Vesturlandsveg). Eingöngu handþvottur og bón. Engir kústar né burstar notaðir. (13.12.2016).  Sjá nánari upplýsingar á Bón og þvottastöðin

Bónstöðvar

Fjarðarbón

Bónstöðin býður 10% eldri borgara- og öryrkjaafslátt. Nánar um bónstöðina.

Smurstöðvar

Smurstöðin Fosshálsi 1

Smurstöðin Fosshálsi 1 veitir öryrkjum 10% afslátt af öllu (efni og vinnu) (júní 2013). Nánar um Smurstöðina Fosshálsi 1

Klöpp

Smurstöðin Klöpp býður öryrkjum 12% afslátt af viðgerðum og allri smurningarvinnu (júní 2013).  Nánar um Smurstöðina Klöpp

Niðurfelling bifreiðagjalda

Lífeyrisþegar geta átt rétt á niðurfellingu bifreiðagjalda (undanþegnir bifreiðagjaldi). Réttindi varðandi bifreiðamál eru á vegum Tryggingastofnunar. Tryggingastofnun staðfestir rétt lífeyrisþega á niðurfellingu eða leiðréttingu bifreiðagjalda. Umsækjandi sækir um með eyðublaðinu „Umsókn um niðurfellingu bifreiðagjalda" og þarf að undirrita hana. Einnig fyllir tengiliður Tryggingastofnunar út hluta eyðublaðsins. Umsóknin þarf að berast til ríkisskattstjóra sem sér um niðurfellingu eða leiðréttingu bifreiðagjalda.
Ef lífeyrisþegar hafa greitt bifreiðagjöld því þeir vissu ekki af niðurfellingunni er hægt að óska eftir endurgreiðslu og skal senda erindið á trukkur(hjá)rsk.is og þá skoða þeir málið 2-3 ár aftur í tímann.

Samantekt TR um reglur vegna niðurfellingar bifreiðagjalda

Undanþegnir bifreiðagjaldi eru þeir sem fá greiddan:

  • Örorkulífeyri
  • Uppbót vegna reksturs bifreiðar
  • Örorkustyrk
  • Forráðamenn barna sem fá umönnunargreiðslur
  • Ellilífeyrisþegar sem fá greidda uppbót vegna reksturs bifreiðar
  • Ellilífeyrisþegar sem voru öryrkjar og öryrkjar sem dveljast á stofnun
  • Foreldrar langveikra og fjölfatlaðra barna sem vistuð eru utan heimilis ef réttur til umönnunargreiðslna héldist óskertur væri barnið heima.

Endurhæfingarlífeyrir gefur ekki rétt til niðurfellingar bifreiðagjalda.

Skilyrði fyrir niðurfellingu gjaldsins er að viðkomandi hafi einhverjar greiðslur frá TR.
Ef umsækjandi er vistmaður á stofnun og hefur ekki lengur greiðslur frá TR en hafði þær áður en hann kom þangað þá á viðkomandi rétt á niðurfellingu.
Réttur til þeirra sem fá greiddan örorkulífeyri, uppbót vegna reksturs bifreiðar eða örorkustyrk er bundinn því skilyrði að bótaþegi sé í ökutækjaskrá annaðhvort skráður eigandi bifreiðar eða umráðamaður bifreiðar samkvæmt eignarleigusamningi.
Réttur foreldra sem fá umönnunargreiðslur er bundinn því skilyrði að skráður eigandi bifreiðar búi á sama stað og barnið.

Vegaaðstoð

FÍB

Félag íslenskra bifreiðaeigenda (FÍB) veitir öryrkjum 30% afslátt af félagsgjöldum (upplýsingar fengnar símleiðis 27. júní 2012) og fjölskyldumeðlimir sem búa undir sama þaki geta fengið aukaaðild fyrir hálft gjald. FÍB býður félögum sínum upp á neyðaraðstoð. Í boði er eldsneytisaðstoð, start, dekkjaskipti og dráttarbíll. Þjónustan er ókeypis og veitt allan sólarhringinn um allt land. Innifalið í félagsgjaldinu er ókeypis dráttarbíll einu sinni á ári (samkvæmt ákveðnum reglum FÍB). Þar sem ekki er talið æskilegt að draga sjálfskipta bíla, getur þessi þjónusta komið sér vel fyrir marga hreyfihamlaða bíleigendur. Nánar um neyðaraðstoð FÍB.

Einnig býðst félögum FÍB margs konar afsláttur hjá ýmsum fyrirtækjum.

Sjóvá

Þeir sem tryggja hjá Sjóvá og eru í Stofni eiga rétt á vegaaðstoð og geta hringt í ákveðið númer ef þörf er á aðstoð.
Slík aðstoð getur komið sér vel ef t.d. þarf að skipta um sprungið dekk, ef bíllinn verður straumlaus eða bensínlaus og ef tjón verður og fylla þarf út tjónaskýrslu. Nánar um vegaaðstoð Sjóvá

VÍS

Vís býður upp á bílaaðstoð, t.d. ef bíllinn er bensínlaus, ef það springur dekk eða ef bíllinn bilar. Þjónustan er í boði um allt land og bæði er hægt að hringja og fá leiðbeiningar og fá mann á staðinn. Ef ekki er hægt að finna út úr vandamálinu sér VÍS um að flytja bílinn á næsta verkstæði. Nánari upplýsingar um bílaaðstoð VÍS.

Verkstæði

Cubic Bifreiðaverkstæði ehf.

Verkstæðið býður öryrkjum upp á 15% afslátt af útseldri verkstæðisvinnu gegn framvísun örorkuskírteinis. Gildir einnig til forráðamanna barna sem eru á örorku, eins og segir á heimasíðu þeirra. Nánar um afslátt Cubic.

 


Athugið að efni hér fyrir ofan er fengið af vef viðkomandi stofnana/fyrirtækja.

Til baka