Viðburðadagatal

Útivist fatlaðs fólks, 16. feb. 2015

Kynning á möguleikum í útivistarmálum

  • 16.2.2015, 16:30 - 17:45

Þann 16. febrúar næstkomandi klukkan 16:30 verður fyrirlestur hjá okkur á Þekkingarmiðstöðinni þar sem Beth Fox mun kynna útivistarmöguleika fatlaðs fólks og segja frá því hvaða áhrif útivist getur haft. Fyrirlesturinn fer fram á ensku.

Anna Karólína Vilhjálmsdóttir, framkvæmdarstjóri fræðslu- og útbreiðslusviðs Íþróttasambands fatlaðra, mun kynna hvernig staðan er hér á landi.

Beth hefur í tæp 30 ár unnið með fötluðu fólki þar sem leitað er leiða til að allir sem áhuga hafa geti stundað útivist. Beth er yfir útivistarsviði National Sports Center for the disabled en þangað koma um 3000 fatlaðir einstaklingar árlega til að stunda mismunandi útivist
Anna Karólína hefur starfað hjá Íþróttasambandi fatlaðra í 25 ár og hefur komið því til leiða að möguleikar margra til að stunda íþróttir og útivist hafa aukist til muna. 

Allir eru velkomnir á fyrirlestrana, sem eru endurgjalds lausir, en við biðjum fólk um að skrá sig hjá okkur á Þekkingarmiðstöðinni annað hvort með því að smella á "Hafa Samband" hér neðst á síðunni, með því að senda tölvupóst á radgjafi@thekkingarmidstod.is eða með því að hringja í síma 5 500 118.