Fréttasafn

Kallað eftir tilnefningum til Hvatningarverðlauna ÖBÍ

13. nóv. 2020

Tekið af síðu ÖBI ( hér ).

Þrátt fyrir kórónaveiru og samkomubann, er nú kallað eftir tilnefningum til Hvatningarverðlauna Öryrkjabandalagsins. Frestur til að tilnefna er nú til 15. nóvember.

Hvatningarverðlaun Öryrkjabandalags Íslands eru veitt þeim sem hafa með verkum sínum stuðlað aðeinu samfélagi fyrir alla og endurspegla nútímalegar áherslur um þátttöku, sjálfstæði og jafnrétti fatlaðs fólks.

Verðlaunin eiga að efla frumkvæði til nýrra verkefna og hugmyndavinnu í málaflokknum og skapa jákvæða ímynd fyrir fatlað fólk. Þau eiga að vera hvatning til að gera enn betur til innleiðingar á samfélagi sem endurspeglar einkunnarorð ÖBÍ, eitt samfélag fyrir alla. Verðlaunin eru veitt ár hvert á alþjóðadegi fatlaðra 3. desember og voru fyrst veitt árið 2007. Forseti Íslands, Hr. Guðni Th. Jóhannesson, er verndari verðlaunanna.

Verðlaunin eru veitt í fjórum flokkum; einstaklings, fyrirtækis eða stofnunar, umfjöllunar eða kynningu og verkefni innan aðildarfélaga ÖBÍ.

Í dómnefnd sitja fimm manns og er leitast við að hún endurspegli samfélagið á sem bestan hátt.

Öllum er heimilt að senda inn tilnefningar og er leyfilegt að tilnefna í einn, tvo, þrjá eða alla fjóra flokkana.

Hér er hægt að senda inn tilnefningu.

Hvatningaverdlaun_obi-nov2020

Til baka