Aðrir skólar

Hér má finna skóla sem flokkast hvorki sem framhaldsskólar né háskólar.

Hringsjá Náms- og starfsendurhæfing

Hátúni 10d|105 Reykjavík|510 9380|hringsja(hjá)hringsja.is|  Vefsíða Hringsjár 

Hringsjá er náms- og starfsendurhæfing fyrir fólk sem vill komast aftur út á vinnumarkaðinn eftir hlé vegna sjúkdóma, slysa eða annarra áfalla. Sérstaða Hringsjár felst m.a. í því að um er að ræða einstaklingsmiðað nám. Samhliða kennslu býðst notanda þjónustunnar að nýta sér sérfræðilega ráðgjöf og í ákveðnum tilvikum er um að ræða einstaklingsmiðaða einkakennslu. Markmið Hringsjár er að veita náms- og starfsendurhæfingu fyrir einstaklinga, 18 ára og eldri sem vegna sjúkdóma, slysa, fötlunar eða annarra áfalla þurfa á endurhæfingu að halda til að takast á við nám og/eða að stunda atvinnu á almennum vinnumarkaði. Endurhæfingin felst í einstaklingsmiðuðu námi í formi styttri námskeiða eða fullu einingarbæru námi með sérhæfðri ráðgjöf og stuðningi. 
Námið er niðurgreitt fyrir öryrkja en þeir borga námskeiðsbækur og efnisgjöld á bilinu 13-30 þúsund krónur. 

Hringsjá býður einnig upp á  stök námskeið sem öllum er frjálst að skrá sig á.


Myndlistaskólinn í Reykjavík

Hringbraut 121 | 107 Reykjavík |551 1990| mynd(hjá)myndlistaskolinn.is | Vefsíða Myndlistaskólans í Reykjavík

Myndlistaskólinn í Reykjavík býður upp á margvísleg námskeið sem efla grunnmenntun á sviði sjónlista og miðlar þekkingu í verklegum og fræðilegum þáttum til nemenda. Nám og námskeið eru í boði fyrir allan aldur, allt frá 4 ára börnum og upp úr. Bókasafn skólans er fagbókasafn vel búið gögnum þar sem nemendur geta unnið og aflað sér frekari þekkingar og heimilda.


Ljósmyndaskólinn

Hólmaslóð 6, | 101 Reykjavík | 562 0623| info(hjá)ljosmyndaskolinn.is | Vefsíða Ljósmyndaskólans

Markmið skólans er að kenna ljósmyndun með sköpun að leiðarljósi.
Skólinn býður nemendum sínum upp á þann besta tækjakost sem mögulegt er að fá og góða vinnuaðstöðu. Bókasafn skólans hefur safn bóka um ljósmyndara og ljósmyndun.



Athugið að efni hér fyrir ofan er fengið af vef viðkomandi stofnana/fyrirtækja


Til baka