Menning

Leikhús

Leikhús er dægradvöl sem margir njóta og miklu skiptir fyrir fatlað fólk að aðgengi sé gott bæði utanhúss og innan. Aðstaða varðandi salerni og sali þar sem leiksýningar fara fram þarf einnig að vera góð.

Borgarleikhúsið

Borgarleikhúsið | Listabraut 3 |103 Reykjavík | Sími: 568 8000 |Vefsíða Borgarleikhússins

Hjólastólanotendur fá afslátt af miðaverði líkt og aðrir öryrkjar. Gott aðgengi er fyrir hjólastóla inn í leikhúsið og innan þess. Það eru hjólastólastæði í Stóra salnum. Á Litla sviðinu eru margar tröppur en engin handrið. Á Nýja sviðinu er sviðsmyndin og sætaskipan. Það þarf að láta vita þegar miðinn er pantaður ef leikhúsgestur notar hjólastól. Salerni er fyrir hjólastólanotendur. Tvenn P-bílastæði eru fyrir utan (upplýsingar frá fötluðum leikhúsgesti í desember 2013).

Sætishæð er aðeins mismunandi eftir sölum, Stóra svið: 43 cm, Litla svið: 44 cm og Nýja svið: 41 cm.

Á heimasíðu Borgarleikhússins kemur fram að Borgarleikhúsið tekur vel á móti fötluðum og státar m.a. af góðu aðgengi og áhorfendastæðum fyrir hjólastóla.

Menningarfélag Akureyrar (áður Leikfélag Akureyrar)

Menningarfélag Akureyrar | Hafnarstræti 57 |600 Akureyri | Sími: 4 600 200 | Vefsíða Menningarfélags Akureyrar

Menningarfélag Akureyrar er með sýningar á tveimur stöðum: Samkomuhúsinu og Hofi (upplýsingar frá maí 2016).
Eftirfarandi upplýsingar um aðgengi hjá Menningarfélagi Akureyrar fengust hjá hjólastólanotanda sem býr á Akureyri.

• Samkomuhúsið er gamalt hús, tekið í gegn fyrir nokkrum árum, tvær lyftur til að bæta aðgengi fatlaðs fólks. Salerni fyrir fatlað fólk. Ekki hjólastólastæði en sæti tekin í burtu ef fólk lætur vita. Tvö sérmerkt bílastæði.
• Hof: gott aðgengi, salerni, hjólastólastæði. Salurinn Hamraborg er með hallandi gólfi, fimm hjólastólastæði og sæti við hliðina fyrir t.d. vin eða maka. Hamrar, sem er minni salur er með lausum sætum og því nægt rými fyrir hreyfihamlaða og fólk í hjólastól.  Þrjú bílastæði eru fyrir fatlað fólk fyrir utan.

Tjarnarbíó

Tjarnarbíó | Tjarnargötu 12 | 101 Reykjavík | Sími: 527 2100 |Vefsíða Tjarnarbíós

Tjarnarbíó er aðgengilegt fyrir hjólastólanotendur. Rampur er frá götu upp á gangstétt og gengið er beint inn frá gangstéttinni. Hurðir eru breiðar, einnig hurð inn í salinn og í salnum er svæði þar sem gert er ráð fyrir einstaklingum í hjólastólum. Aðgengileg salernisaðstaða er einnig til staðar.
Þegar miðar eru pantaðir þarf að taka fram í tölvupósti á midasala(hjá)tjarnarbio.is eða með því að hringja í miðasölu, ef sýningargestur notar hjólastól. Miðaverð er misjafnt eftir því hverjir halda hvern viðburð og því fer eftir hverjum og einum viðburði hvort öryrkjar fái afslátt á sýningar í Tjarnarbíói eða ekki.

Þjóðleikhúsið    

Þjóðleikhúsið |Hverfisgata 19 |101 Reykjavík | Sími: 551 1200|Vefsíða Þjóðleikhússins

Aðgengi er að öllum leiksviðum fyrir hreyfihamlaða (lyftur og rampar). Taka þarf fram við miðasölu ef leikhúsgestur notar hjólastól, þar sem fjöldi stæða í sal er takmarkaður. Hjólastólanotendur greiða ekki fyrir stæði í sal, annars fá öryrkjar og aldraðir 900 kr.afslátt af miðaverði (maí 2016). 

Kvikmyndahús

Eftirfarandi upplýsingar um aðgengi í kvikmyndahúsum eru fengnar frá hreyfihömluðum einstaklingum.

Smárabíó

Smárabíó | Smáralind | 200 Kópavogur | Sími: 564 0000 | Vefsíða Smárabíós

Fyrir utan Smáralind eru mörg sérmerkt stæði fyrir fatlað fólk. Aðgengi í miðasölu og upp í Smárabíó er gott, lyfta og rúllustigi. Fjögur stór salerni eru fyrir fatlaða, en þungar pumpuhurðar. Í öllum sölum eru hjólastólastæði, þó mismörg. Sætishæð í bíósölum er 40 cm og hæð sætisarma 65 cm. Í Lúxussal er sætishæð 45 cm og hæð sætisarma 65 cm.

Kringlubíó

Kringlubíó | Kringlunni  4 - 6 | 105 Reykjavík | Sími: 575 8900 | Vefsíða Sambíóa

Mörg sérmerkt stæði fyrir utan húsið, gott aðgengi inni í húsinu. Eitt salerni sérmerkt fyrir fatlaða og á kvennasalerninu er eitt salerni sem er rýmra en hin (myndi henta hreyfihömluðum sem geta gengið eða nota hækjur eða göngugrindur, ekki þó nægt pláss fyrir hjólastóla). Hjólastólastæði eru í tveimur sölum, sal 1 og 2, en í sal 3 getur hjólastóll verið við hliðina á sætaröðinni þar sem gengið er inn í salinn.

Háskólabíó

Háskólabíó | Við Hagatorg | 107 Reykjavík | Sími: 591 5145 | Vefsíða Háskólabíós

Tvö sérmerkt bílastæði fyrir fatlað fólk eru fyrir utan húsið, rétt við innganginn. Miðasala er á fyrstu hæð. Hjólastólastæði er öllum sölum uppi en ekki í salnum á neðri hæð. Fyrir þá sem ekki geta gengið stiga þarf að hafa þó nokkuð fyrir því að komast í lyftu niður á neðri hæð þar sem hún er stýrð með lykli sem starfsfólk geymir. Aðeins eitt salerni er fyrir fatlað fólk, staðsett hinu megin í húsinu. Fyrir þá sem eru lítið hreyfihamlaðir, geta gengið niður tröppur og þurfa ekki á rúmgóðu salerni að halda er það minni fyrirhöfn. 

Sambíóin Egilshöll

Sambíóin Egilshöll | Fossaleyni 1 | 112 Reykjavík | Sími: 575 8900 | Vefsíða Sambíóa

Gott aðgengi og aðstaða utandyra sem innan. Fyrir utan eru sérmerkt stæði fyrir fatlað fólk. Miðasala er á fyrstu hæð og bíósalirnir á annarri hæð, lyfta og rúllustigi milli hæða. Salerni fyrir fatlaða og hjólastólastæði í sölunum.

Laugarásbíó

Laugarásbíó | Laugarási | 104 Reykjavík | Sími: 553 2075 |  Vefsíða Laugarásbíós

Það er mikið af tröppum í og við Laugarásbíó og því ekki gott aðgengi fyrir hreyfihamlað fólk, hvorki utandyra né innandyra.

Bíó Paradís

Bíó Paradís | Hverfisgötu 54 | 101 Reykjavík | Sími: 412 7711 | Vefsíða Bíó Paradísar

Fyrir utan Bíó Paradís  er stæði, en ekki sérmerkt P- stæði. Forsvarsmenn bíósins leituðu til borgarinnar þegar framkvæmdir voru við Hverfisgötu, um að sett yrði P-stæði fyrir utan.  Því hefur ekki verið komið við.  Það er rampur/skábraut  fyrir utan til að komast inn í kvikmyndahúsið. Nýlega hafa verið gerðar lagfæringar á aðgengi fyrir hjólastólanotendur að sal 1.  Þar er komin lyfta (stigalyfta) inn í salinn.  Einnig er komin skábraut upp á efri pall sem gengið er upp tröppur fyrir framan sal 2 og 3.  Fyrirhugað er að setja aðgengilegt salerni á þeirri hæð. Ráðgert er að bæta aðgengið að sölum 2 og 3 í framtíðinni svo hjólastolanotendur geti farið í þá sali einnig.  Hægt er að hafa samband ef kvikmynd sem er sýnd í sal 2 eða 3 með fyrirvara til að hægt sé að sýna myndina í sal 1.  

Borgarbíó Akureyri

 Borgarbíó Akureyri | Hólabraut 12 | 600 Akureyri | Sími: 462 2602 | Vefsíða Borgarbíós

Í A-sal er stæði fyrir hjólastóla fremst  (fara þarf inn um dyr neðst til að geta setið þar) og aftast, þarf þó að bera hjólastól upp nokkur þrep til að komast aftast.
Rampur er inn í B-sal og hjólastólastæði í salnum.
Engin salernisaðstaða er fyrir fólk í hjólastól eða aðra sem eru mikið hreyfihamlaðir og þurfa gott rými og handföng við klósett. Engin sérmerkt bílastæði eru fyrir utan.

Sambíóin Akureyri

Sambíóin Akureyri | Ráðhústorg 8 | 600 Akureyri | Sími: 575 8900 | Vefsíða Sambíóanna

Tvö sérmerkt bílastæði eru beint á móti Sambíóunum (við Landsbankann).
Hjólastólastæði eru tvö í sal 1 og eitt í sal 2. Eitt salerni er fyrir fatlaða. Það er þó galli að salernið er notað sem ræstikompa og geymsla sem minnkar rýmið.

Tónlistarsalir

Harpa

Austurbakka 2 | 101 Reykjavík | 528 5000 |midasala(hjá)harpa.is  | Vefsíða Hörpu

Gott aðgengi, nokkur salerni fyrir fatlaða og lyftur á milli hæða. Sérmerkt bílastæði eru í bílakjallara.
Aðgengi í sölum er misjafnt, í nokkrum eru lausir stólar og þar er auðvelt að sitja í hjólastól við enda raðar eða einfaldlega taka einn stól í burtu og leggja hjólastólnum þar. Í Eldborgarsal, aðalsal Hörpu, eru 4 gjaldfrjáls stæði fyrir hjólastóla, við enda B og D stúku.  Einnig er hægt að taka út sæti fyrir hjólastóla víða um salinn fyrir gesti sem kaupa miða.  Athugið að hafa samband tímanlega við miðasölu ef þörf er á stæðum fyrir hjólastóla.

Fólk sem notar heyrnartæki hefur verulegt gagn af tónmöskvakerfi eða sambærilegu kerfi sem er notað til að draga úr aukahljóðum og bæta hlustun.  Í Hörpu er hægt að fá afnot af slíkum búnaði, athugið að láta vita í miðasölu þegar miðar eru keyptir ef óskað er eftir afnotum af búnaðinum.

Ef þörf er á aðstoð við blinda og sjónskerta eru gestir vinsamlegast beðnir um að láta vita af því tímanlega í miðasölu.

Nánari upplýsingar um aðgengi Hörpu (neðarlega á síðunni)

Háskólabíó

Háskólabíó | Við Hagatorg | 107 Reykjavík | Sími: 591 5145 | Vefsíða Háskólabíós

Stóri salurinn í Háskólabíói er oft notaður fyrir tónlistarviðburði og hafa nýlega verið gerðar endurbætur á honum og stæðum fyrir hjólastóla komið fyrir í miðjum salnum (sept. 2015). Tröppur eru upp í salinn en þar er stólalyfta og starfsmaður á svæðinu til þess að aðstoða fólk. Samkvæmt upplýsingum frá starfsmanni getur verið strembið að fara á rafknúnum stól í lyftuna og getur starfsmaður þá fylgt viðkomandi inn um annan hliðarinngang í salinn.
Gott er að hafa samband fyrirfram og láta vita af komu hjólastólanotanda og eru starfsmenn þá viðbúnir að aðstoða ef þörf er á. 

Salurinn

Hamraborg 6 | 200 Kópavogi | 570 0400 | salurinn(hjá)salurinn.is| Vefsíða Salarins

Í  Salnum eru nokkur sérmerkt stæði fyrir utan húsið. Gott aðgengi er inni í húsinu, lyfta á milli hæða og salerni sérstaklega ætlað fötluðu fólki. Í salnum sjálfum er hins vegar ekki mikið rými fyrir hjólastóla, þeir þurfa að vera meðfram röðum og í smá halla. Það eru fjögur hjólastólastæði og þá eru endasætin tekin úr bekknum.

Menningarhúsið Hof

Strandgötu 12 | 600 Akureyri | 450 1000 |midasala(hjá)menningarhus.is | Facebooksíða Hofs

Gott aðgengi er í Hofi hvað varðar salerni og hjólastólastæði. Hamraborg er með hallandi gólfi, fimm hjólastólastæði og sæti við hliðina fyrir t.d. vin eða maka. Hamrar, minni salurinn er með laus sæti og því nægt rými fyrir hreyfihamlaða og fólk í hjólastól.  Þrjú bílastæði fyrir fatlaða eru fyrir utan.

Söfn

Borgarsögusafn Reykjavíkur

Árbæjarsafn  | Kistuhyl | 110 Reykjavík | 411 6300 | borgarsogusafn(hjá)reykjavik.is
Landnámssýningin | Aðalstræti 16  | 101 Reykjavík | 411 6370 | landnam(hjá)reykjavik.is

Árbæjarsafn og Landnámssýningin tilheyra Borgarsögusafni Reykjavíkur. Árbæjarsafn er að Kistuhyl, 110 Reykjavík og Landnámssýningin er í Aðalstræti 16, 101 Reykjavík.

• Öryrkjar greiða ekki aðgangseyri að safni/sýningu Borgarminjasafns Reykjavíkur.
• Gott aðgengi er að Landnámssýningunni og komast rafmagnshjólastólar um safnið.
• Í húsnæði Landnámssýningarinnar er salernisaðstaða er með salernisstoðum.

Bókasafn Hafnarfjarðar

Strandgötu 1  | 220 Hafnarfirði  | 585 5690 | bokasafn(hjá)hafnarfjordur.is | Vefsíða Bókasafns Hafnarfjarðar

Á bókasafninu er gott aðgengi fyrir fólk í hjólastólum. Lyfta er miðsvæðis í húsinu, auk þess sem nóg pláss er milli hillustæða. Starfsfólk er til þjónustu reiðubúið að aðstoða þá sem eiga erfitt með að ná upp í efri hillur. Rúmgott salerni fyrir fatlaða er á jarðhæð.

Eldheimar -  Vestmannaeyjum

Suðurvegur / Gerðisbraut 10|900 Vestmannaeyjar | 4882700 | vefsíða Eldheima 

Engir þröskuldar eru í byggingunni og gengið er beint inn í bygginguna. Innandyra er aðgengilegt fyrir hjólastólanotendur, lyfta er upp á sýningarsalinn sem er á 2. hæð.

Listasafn Íslands safnabygging - Reykjavík

Fríkirkjuvegi 7  | 101 Reykjavík | 515 9620 | Vefsíða Listasafns Íslands

Við hönnun Listasafns Íslands var tekið mið af þörfum hreyfihamlaðra og eru lyftur í húsinu sem ganga að öllum sýningarsölum, safnbúð og kaffistofu. Aðgengi fyrir hreyfihamlaða er gott.

• Hjólastólar, kerrur og léttir stólar eru til láns í safninu, upplýsingar í móttöku.
• Salerni fyrir fatlaða er á fyrstu hæð safnsins.
  
• Afsláttur er veittur til öryrkja.

Táknmálstúlkun er veitt samkvæmt samkomulagi og komið til móts við fólk með sérþarfir. 

 

Hvalasafnið /Whales of Iceland - Reykjavík

Fiskislóð 23-25 – 101 Reykjavík| 571 0077 | Vefsíða Hvalasafnsins

Stærsta hvalasýning í Evrópu og býður upp á gott aðgengi fyrir hjólastólnotendur samkvæmt upplýsingum á vefsíðu safnsins. 

Listasafn Reykjavíkur 

Hafnarhús, Tryggvagata 17 - Kjarvalsstaðir, Flókagata 24 - Ásmundasafn, Sigtún | 411 6400 | Vefsíða Listasafns Rvk.

Listasafn Reykjavíkur er til húsa í þremur aðskildum byggingum í Reykjavík. Aðgengi fyrir fatlað fólk er mjög gott í Hafnarhúsi og Kjarvalsstöðum, að sögn upplýsinga á vefsíðu safnsins. Einnig er sagt að, sökum hönnunar Ásmundarsafns er aðgengi ekki jafn gott þar, nánari upplýsingar í síma 411-6430 í afgreiðslu Ásmundarsafns. Aðgangseyri, öryrkjar og eldri borgarar 70 ára og eldri fá Frítt inn.  Fatlað fólk sem er með aðstoðarmann greiða ekki aðgangseyri fyrir aðstoðarmann. 

Ljósmyndasafn Reykjavíkur

Grófarhús, Tryggvagötu 15 | 101 Reykjavík | 411 6300 | photomuseum(hjá)reykjavik.is | Vefsíða Ljósmyndasafnsins

Ljósmyndasafn Reykjavíkur er á 6. hæð og er lyfta í stigagangi. Þegar komið er upp á 6. hæð eru sýningar í anddyri og aðalsal. Hurðin inn í aðalsalinn stendur opin og ekki er neinn þröskuldur.
Aðgangur er ókeypis.
Skrifstofur safnsins sem eru opnar frá 10-16 virka daga, þar stendur hurðin opin en listi ca. 2-3 cm er í hurðaropi. Það ætti að vera flestum fært að komast yfir hann.

Rokksafnið - Reykjanesbæ

Hljómahöllinni, Hjallavegur 2 | 260 Reykjanesbæ | 420 1030 | Vefsíða Rokksafnsins 

Byggingin er öll aðgengileg og á sýningum er rúmt þannig að allir ættu að komast um safnið.

Sagnheimar - Vestmannaeyjum

Safnahúsinu við Ráðhúströð | 900 Vestmannaeyjar  | 488 2045 | Vefsíða Sagnheima 

Rampur er upp að útidyrum og einnig eru tröppur og er handriði í miðjum tröppum. Byggingin er aðgengileg. Lyftur innandyra á milli hæða. 

Spákonuhof - Skagaströnd

Oddagötu 6  |545 Skagaströnd  | 861 5089

Aðgengilegt er fyrir hjólastólanotendur á Spákonuhofi á Skagaströnd. Aðgengilegt salerni er til staðar (upplýsingar frá hreyfihömluðum einstaklingi sumarið 2014). Þar er sýning  um Þórdísi spákonu, fyrsta nafngreinda íbúa Skagastrandar. Margháttaður fróðleikur um spádóma og spáaðferðir. Gestir geta látið spá fyrir sér eða fengið lófalestur. Upplýsingar um safnið má finna á Facebooksíðu safnsins. 

Veiðisafnið Stokkseyri

Eyrarbraut 49 | 825 Stokkseyri  | 483 1558 | Vefsíða veiðisafnsins

Aðgengilegt er á safninu. 

Víkingaheimar - Reykjanesbæ

Víkingabraut 1| 260 Reykjanesbæ | 422 2000 | Vefsíða Víkingaheima 

Byggingin og um allt safnið er aðgengilegt innandyra en utandyra (þ.e. útikennslusvæði og þar sem dýrin eru) er ekki gott aðgengi.

Þjóðminjasafn Íslands - Reykjavík

Suðurgötu 41|101 Reykjavík | 530 2200 | thjodminjasafn(hjá)thjodminjasafn.is | Vefsíða Þjóðminjasafnsins

Á heimasíðu Þjóðminjasafnins kemur fram að safnið hafi fengið viðurkenningu Sjálfsbjargar fyrir gott aðgengi árið 2006 en þrátt fyrir það sé stöðugt unnið að endurbótum. Nánari upplýsingar má sjá á vefsíðu safnsins.

 

---

Athugið að efni hér fyrir ofan er fengið af vef viðkomandi stofnana/fyrirtækja.