Gisting innanlands

Þegar gisting er bókuð er nauðsynlegt að taka það fram við bókun ef einstaklingur notar hjólastól eða hefur einhverjar sérþarfir. Oft eru fá herbergi á hverjum stað sem eru aðgengileg og því betra að taka fram hverjar þarfirnar eru því skilningur fólks á aðgengi er mjög mismunandi og stundum nefnir fólk staði aðgengilega ef ekki eru tröppur við útiinngang. Jafnframt er mikilvægt að þið spyrjið ítarlega hvernig aðgengismálum sé nákvæmlega háttað þannig að staðurinn og herbergið sem er bókað fyrir ykkur henti örugglega ykkar þörfum. 

Gott ráð

Notaðu leitarvélar eins og Google til að fá reynslu annarra hreyfihamlaðra ferðalanga á þá ferðamannastaði og á þá gististaði sem þú ert að velta fyrir þér. Skoðaðu reynslu ferðalanga í hverjum kafla hér fyrir neðan
Skoðaðu umsögn um gististaði á Trip Advisor

Ýmislegt um aðgengilega ferðaþjónustu:

ENAT (European Network for Accessible Tourism)

UNTWO (World Tourism Organization) Leiðbeiningar og handbækur um aðgengismál í ferðaþjónustu 

Ontario - Góð ráð fyrir starfsfólk hótela og þjónustufyrirtækja -  er varðar þjónustu við fatlað fólk.

Hótel og gistiheimili

Vesturland og Vestfirðir

Hótel Horn á Ísafirði er með tvö herbergi sem eru aðgengileg hjólastólum og samkvæmt vefsíðu þeirra er aðgengi að hótelinu gott. Það er lyfta í húsinu.

Icelandair hotel Hamar er með 4 herbergi sérstaklega aðgengileg fyrir hjólastólanotendur. Aðgengi almennt mjög gott á hótelinu.

Reynsla ferðalanga

Icelandair Hótel Hamar Borgarfirði hefur mjög fína aðstöðu  (upplýsingar frá hjólastólanotanda).

Hótel Búðir hefur gott aðgengi fyrir fólk sem notar hjólastóla.

Gamla gistihúsið á Ísafirði. Hjólastólanotandi benti á að aðgengi fyrir hjólastólanotendur væri þar gott. Þar er rúmgott herbergi og salernisaðstaða á ganginum með góðu hjólastólaaðgengi. Til að komast inn í húsið er farið upp ramp bakdyramegin.

Hótel Húsafell Hjólastólanotandi mælir með þessu hóteli, bæði gistingu og veitingastað..


Norðurland

Icelandair Hótel Akureyri er með 12 herbergi sem eru aðgengileg hjólastólanotendum. Hjólastóla aðgengi almennt mjög gott í húsnæðinu.

Reynsla ferðalanga

Icelandair Hótel Akureyri hefur góða aðstöðu.

Hótel KEA hefur herbergi fyrir fólk sem notar hjólastóla og aðgengi þokkalegt.

Skjaldarvík er gistiheimili rétt utan við Akureyri. Það er notalegur staður og aðstaða fyrir hreyfihamlað fólk er góð. Öll salerni eru á göngum gistiheimilisins, gott rými til að athafna sig.

Centrum hostel Akureyri er með herbergi sem eru aðgengileg hreyfihömluðu fólki. Sturtustól er hægt að fá lánaðan ef þörf er á. Mikilvægt er að hver og einn athugi hvort aðstaðan henti þeim.

Hótel Natur er með tvö herbergi sem eru aðgengileg.  Auðvelt  að komast um bæði úti og inni, rampar.


Austurland

Lake hótel Egilsstaðir, þar eru a.m.k. sex herbergi hönnuð með þarfir fatlaðra í huga.

Reynsla ferðalanga

Icelandair Hótel Hérað á Egilsstöðum er aðgengilegt fyrir fólk sem notar hjólastóla.

Fljótsdalsgrund er í 30 - 40 mínútna akstursfjarlægð frá Egilsstöðum. Það er möguleiki fyrir einstakling í hjólastól að gista þarna, en það þarf að fara yfir þröskuld til að komast inn. Eitt salerni er aðgengilegt og er það á sameiginlegum gangi og sturtuaðstaða er í félagsheimili sem er rétt við bæinn.

Studio Guesthouse á Seyðisfirði er með gistirými sem er aðgengilegt fyrir hjólastólanotendur. Mikið pláss, salerni og sturta. Mjög stórt og fínt herbergi.

Suðurland 

Lágafell - 861 Hvolsvöllur

Bakland að Lágafelli - Íbúð til leigu sem er sérhönnuð með þarfir hjólastólanotenda í huga.  Sæunn Þórarinsdóttir sími: 891-8091

Hótel Eldhestar - 810 Hveragerði

Hótel Eldhestar er með 26 tveggja manna herbergi og hluti herbergjanna eru sérhönnuð fyrir hreyfihamlaða.

Icelandair hotel Klaustur eru ekki með sérstök herbergi aðgengileg hjólastólum en hótelið getur tekið á móti hreyfihömluðum. Hjólastólanotendur geta farið á veitingastaði hótelsins.

Reynsla ferðalanga

Höfn Inn er nýlegt gistihús.  Gott aðgengi inn af plani. Herbergi fínt og rúmgott, gott rúm.  Sturtuaðstaða fín, hægt að fá sturtustól en hann er ekki á hjólum.

Icelandair Hótel Kirkjubæjarklaustur er aðgengilegt fyrir fólk í hjólastól.

Hótel Laki við Kirkjubæjarklaustur hefur gott aðgengi fyrir fólk í hjólastólum.

Icelandair Hótel Vík er aðgengilegt fyrir fólk í hjólastól

Hótel Vestmannaeyjar hafa tekið í notkun nýja álmu. Frábær aðstaða fyrir alla hreyfihamlaða og fólk er notr hjólastóla, mælum með þessu hóteli. Sturtustóll er á staðnum.

Hótel Hvolsvöllur er aðgengilegt fyrir fólk sem notar hjólastóla (upplýsingar fengnar í júlí 2012). Samkvæmt vefsíðu hótelsins eru 2 herbergi hönnuð með sérþarfir fatlaðra í huga.

Á Hótel Selfoss er gott aðgengi fyrir fólk í hjólastólum. Samkvæmt vefsíðu hótelsins voru 10 herbergi hönnuð fyrir hjólastólanotendur.


Höfuðborgarsvæðið

Reykjavík

  • Farfuglaheimilið Loft  við Bankastræti er 19 herbergja gistiheimili sem rúmar um 100 manns og er aðgengilegt hjólastólum. Hér má lesa umsögn hjólastólanotenda 
  • Grand Hótel Reykjavík er fjögurra stjörnu glæsihótel. Lögð er áhersla á gott aðgengi fyrir hreyfihamlaða á öllum hæðum. 15 herbergi voru sérhönnuð með gott aðgengi í huga.

  • Hilton Reykjavík Nordica er með 5 herbergi sérstaklega aðgengileg hjólastólum. Bílastæði er fyrir hreyfihamlaða. Blindraletur eða upphleypt tákn eru notuð á herbergjum. Gott aðgengi á milli staða á hótelinu. Hjálparbúnaður fyrir heyrnarlausa. Tekið er fram að þessi þjónusta kunni aðeins að vera í boði í sumum herbergjum eða einingum og að viðbótargjald kunni að vera tekið fyrir tiltekna þjónustu. 

  • Icelandair hótel Marina er með 10-12 herbergi sérstaklega aðgengileg fyrir hjólastólanotendur. Aðgengi almennt mjög gott á hótelinu.

  • Hótel Cabin  er með herbergi og baðherbergi ásamt sturtu aðgengileg hjólastólum. Bílastæði er fyrir hreyfihamlaða og gott aðgengi á milli staða.

  • Icelandair Hótel Reykjavík Natura býður upp á 3 herbergi sem eru aðgengileg hjólastólum. Þegar herbergi er bókað þarf að taka fram að einstaklingur í hjólastól muni gista í herbergjunum.

  • Radisson BLU Hótel Saga og Radisson BLU 1919 Hotel. Samkvæmt vefsíðum hótelanna eru herbergi aðgengileg hjólastólum og baðherbergi með sturtu einnig. Bílastæði er fyrir hreyfihamlaða. Tekið er fram að þessi þjónusta kunni þó aðeins að vera í boði í sumum herbergjum eða einingum og að viðbótargjald kunni að vera tekið fyrir tiltekna þjónustu.

Reynsla ferðalanga

Hótel Smári í Kópavogi er mjög aðgengilegt að sögn aðstandenda hjólastólanotanda


Ferðaþjónusta bænda

Á heimasíðu Ferðaþjónustu bænda eru skráðir aðilar í ferðaþjónustu bænda sem hafa aðgengi fyrir hjólastóla. Í dálknum "Sía eftir" sem er vinstra megin á síðunni má haka við leitarvél og þá koma allir möguleikar fram, einnig er hægt að velja gistingu eftir landshlutum og aðstaða fyrir fatlaða. Athugið að skráningin er á ábyrgð þeirra sem skráðir eru á þessum lista. Hafið samband við viðkomandi stað til að fá betri upplýsingar.

Sumarhús og orlofsíbúðir til útleigu

Neðangreind sumarhús eru aðgengileg fyrir fatlað fólk en þar sem þarfir fólks eru misjafnar mælum við með því að  hringt sé á staðina og athugað hvernig aðgengið er áður en sumarhús er pantað þannig að það henti örugglega. Ef þið hafið nánari upplýsingar eru þær vel þegnar.

Sum sumarhúsanna sem eru í eigu stéttarfélaga gætu verið leigð út eingöngu til félagsmanna.


  • Fjölskylduhús Sjálfsbjargar er nýtt stórt orlofshús að Reykjum í Biskupstungum í eigu Sjálfsbjargar landssambands hreyfihamlaðra. Húsið er sérlega hannað með aðgengi hreyfihamlaðra í huga. 
  • Furuholt, orlofshús Sjálfsbjargar Akureyr i og nágrenni. Bústaðurinn stendur við sunnanvert Vestmannsvatn í Reykjadal. Hann er útbúinn með góðu aðgengi fyrir hreyfihamlaða. Netfang: jonhardar(hja)bjarg.is; s. 462-6800
  • Umhyggja, félag langveikra barna , er með tvö orlofshús sem eru með góðu aðgengi. Húsin eru Brekkuskógur og Vaðlaborgir.
  • Brunnhóll - Mýrum, 781 Höfn í Hornafirði, sími 4781029.
  • Á vefsíðunni Bungaló er hægt að leita að aðgengilegum sumarhúsum til leigu hvar sem er á landinu.
  • Bústaðir Kennarasambands Íslands. Kennarasamband Íslands er með tvo bústaði með hjólastólaaðgengi. Annar er á Flúðum en hinn er íbúð í Reykjavík. Símanúmer Kennarasambands Íslands er 595 1111.
  • Bústaður BHM í Brekkuskógi. Símanúmer BHM er 595 5100.
  • Byggiðn - félag byggingarmanna er með þrjú sumarhús sem eru aðgengileg. Tvö húsanna eru að Stóra-Hofi og eitt er í Ölfusborgum (hús nr. 37).
  • Daðahús á Flúðum er sumarhús Landssamtakanna Þroskahjálpar og er þar gott aðgengi. Sími Þroskahjálpar er 588-9390 og hægt er að sækja um sumarhúsið og skoða myndir af því á vef Þroskahjálpar.
  • Dæli í Víðidal, sími 451 2566.
  • Ferðaþjónusta bænda Syðri-Vík, Vopnafirði, sími: 473 1199/ 869 0148.
  • Félag Bókagerðamanna hefur eitt hús til útleigu sem er aðgengilegt og er það hús nr. 2 í Miðdal.
  • Félag starfsmanna stjórnarráðs hefur eitt hús sem er aðgengilegt og er það Hrísholt í Biskupstungum.
  • Gisting 707 íbúð í blokk, lyfta í húsinu), Egilsstaðir, sími 847-1733
  • Háaleiti og Skarð í Breiðdal, sími 475-6798.
  • Lambhagi 48 á Selfossi er sumarhús í eigu Þroskahjálpar á Suðurlandi og er það aðgengilegt. Formaður Þroskahjálpar á Suðurlandi er Bjarni Harðarson og er hægt að ná í hann í síma 482-3176 og 897-3374. 
    Netfang hans er bjarni(hjá)gmail.com (mars 2016).
  • Reykjarhóll, 560 Varmahlíð. Nýuppgert og aðgengilegt sumarhús. 5 svefnherbergi. Netfang eymundur(hjá)saurbaer.is eða sími 892-8012.
  • SFR- Stéttarfélag í almannaþjónustu á hús í Kjarnabyggð við Akureyri sem er aðgengilegt.
  • Starfsmannafélag Reykjavíkurborgar á tvö sumarhús sem eru aðgengileg fötluðu fólki. Annað er við Úlfljótsvatn (bústaður nr. 10) og hitt er í Munaðarnesi (bústaður nr. 80)
  • Veiðihúsið Eyjar, Breiðdalsvík, sími 567 5204.
  • Í Ölfusborgum er hús nr. 37 aðgengilegt fyrir fatlað fólk og er leigt út af starfsmönnum Sameignarfélagsins, nánari upplýsingar fást milli klukkan 13 og 16 í síma 483 4260 eða með því að senda tölvupóst á olfusborgir@olfusborgir.is

Tjaldsvæði

Tjalda.is er upplýsingavefur um öll tjaldsvæði á landinu. Til að sjá hvort tjaldsvæðið sé aðgengilegt velurðu þann landshluta sem þú ert að fara í, smellir á "meira", undir tjaldsvæðinu sem þú vilt skoða og smellir svo á "þjónusta". Þau svæði sem eru aðgengileg eru með hjólastólamerki. Við viljum benda á að best er að hafa samband við tjaldsvæðið áður en farið er af stað til að öruggt sé að það hafi þann aðbúnað sem þörf er á. Við hjá Þekkingarmiðstöðinni höfum skannað síðuna tjalda.is. Eftirfarandi tjaldsvæði eru með hjólastólamerkinu.


  • Suðurland: Hraunborgir. Grímsnesi. Hvollsvöllur. Skaftafell, Skjól, T – bær, Selvogi. Þorlákshöfn og Vestamanneyjar.
  • Austurland: Hallormstaðakógur.
  • Norðurland: Ásbyrgi. Grenivík, Hlíð – Mývatni, Steinstaðir í Skagafirði.  
  • Vestfirðir: Melanes, Rauðasandi, Tálknafjörður. Tungudalur, Ísafirði.
  • Vesturland: Akranes. Hverinn, Kleppjárnsreykjum.
  • Höfuðborgarsvæðið: Tjaldsvæðið í Laugardal. Víðistaðatún í Hafnarfirði
  • Suðurenes: Engin taldsvæði sögð með hjólastóla aðgengi.
  • Hálendið: Engin tjaldsvæði sögð með hjólastóla aðgengi. 

Útilegukortið getur hentað mörgum sem vilja ferðast um landið  á ódýran hátt og gista í tjaldi, tjaldvagni, hjólhýsi eða fellihýsi. Útilegukortið  veitir 2 fullorðnum og 4 börnum undir 16 ára aldri fría gistingu á tjaldsvæðum samstarfsaðila Útilegukortsins allt að 28 gistinætur á hverju starfsári. Öryrkjar hafa fengið afslátt og þarf að kanna það hverju sinni.



Til baka