Afslættir

Á heimasíðu Öryrkjabandalags Íslands er einnig að finna upplýsingar um afslætti fyrir öryrkja.

Bifreiðamál

 Afslætti tengda bifreiðum  má finna undir Bifreiðamál.

Garðaþjónusta

Garðaþjónusta Íslands

Þeir veita afslátt til öryrkja og eldri borgara og taka að sér ýmis verk tengd garðinum. Þeir gera fast verðtilboð og verkáætlun frítt. Hægt er að hafa samband við Róbert í síma 866-9767 (sumar 2014). Sjá nánari upplýsingar um þjónustu þeirra.

Garðar best

Þeir veita einnig öryrkjum og eldri borgurum afslátt og taka að sér ýmis verkefni tengd garðinum. Það kostar ekkert að fá þá í heimsókn og þeir gera tilboð í verk án bindingar og kostnaðar. Síminn er 565 1400 og netfangið er gardarbest(hja)gardarbest.is  Sjá nánar á heimasíðu þeirra

Bókasöfn

Öryrkjar fá frí bókasafnskort í Bókasafni Hafnarfjarðar, Bókasafni Álftaness,  Bókasafni Kópavogs (2 útibú), Bókasafni Garðabæjar og Borgarbókasafni í Reykjavík (6 útibú).

Hárgreiðslustofur

Hárgreiðslustofa Helenu - Stubbalubbar

Hárgreiðslustofa Helenu - Stubbalubbar í Grafarvogi býður 20 % afslátt milli 10-14 virka daga fyrir öryrkja, eldri borgara og námsmenn.

Lína Lokkafína

Öryrkjar og ellilífeyrisþegar fá 7% staðgreiðsluafslátt hjá Lína Lokkafína í Hafnarfirði.

Heilbrigðisþjónusta

Öryrkjar sem þurfa á mikilli heilbrigðisþjónustu að halda eiga rétt á afsláttarkorti.

Húsnæðismál

Afsláttur af fasteignagjöldum 

Öryrkjar eiga oft rétt á afslætti af fasteignagjöldum, hvert sveitarfélag fyrir sig semur reglur varðandi þann afslátt sem veittur er og hægt er að nálgast upplýsingar um reglurnar á vefsíðum sveitarfélaganna. Upplýsingar Þekkingarmiðstöðvarinnar um sveitarfélögin.

Kvikmyndahús

Einstaklingar í hjólastól fá ókeypis í bíó á allar myndir.
Öryrkjar fá afslátt í bíó ef þeir sýna örorkuskírteini (Gildir ekki um íslenskar myndir).

Leikhús

Borgarleikhúsið  

Öryrkjar fá 700 kr. afslátt af almennu miðaverði í Borgarleikhúsinu (gildir ekki á barnasýningar (september 2014).

Leikfélag Akureyrar

Afsláttur er af miðaverði á leiksýningar fyrir öryrkja hjá Leikfélagi Akureyrar.

Þjóðleikhúsið

Einstaklingar í hjólastól fá ókeypis í stæði í sölum Þjóðleikhússins.   
Öryrkjar fá 900 kr. afslátt af almennu miðaverði í Þjóðleikhúsinu. Gildir líka á barnasýningar (september 2014).

Líkamsrækt

World Class

Öryrkjar og ellilífeyrisþegar fá 20% afslátt af kortum hjá World Class gegn framvísun skírteinis (skv.heimasíðu þeirra í september 2014).

 Reykjalundur

Á Reykjalundi er í boði heilsurækt sem er sérstaklega hugsuð fyrir þá sem eiga erfitt með að nýta sér almennar líkamsræktarstöðvar en er þó opin öllum. Hægt er að fara í vatnsleikfimi, tækjasal og sundlaug. Ef keypt er mánaðarkort í vatnsleikfimi fær maður einnig aðgang að tækjasal og sundlaug. Almennt verð er 10.100 kr. á mánuði en öryrkjar og ellilífeyrisþegar fá mánuðinn á 7800 kr (mars 2015). Nánari upplýsingar um heilsuræktina á Reykjalundi.

Menntastofnanir

Dale Carnegie

Hjá Dale Carnegie er 15% afsláttur fyrir öryrkja (Upplýsingar fengnar í mars 2015).

Endurmenntun Háskóla Íslands

Hjá Endurmenntun er öryrkjum og eldriborgurum veittur 10% afsláttur af námskeiðum í flokkunum Menning og Persónuleg hæfni (Upplýsingar af heimasíðu þeirra í mars 2015).

Háskóli Íslands

Öryrkjar greiða lægra skráningargjald í Háskóla Íslands. Fara þarf í Þjónustuver á 2. hæð á Háskólatorgi með örorkuskírteini og greiða þar. 

Háskólinn á Akureyri

Öryrkjar fá 50% afslátt af skráningargjöldum við Háskólann á Akureyri (Upplýsingar fengnar í september 2014).

Mímir - símenntun

Hjá Mími-símenntun er veittur 10% afsláttur af tungumálanámskeiðum gegn framvísun örorkuskírteinis (Upplýsingar fengnar í janúar 2014).

Myndlistaskólinn í Reykjavík

Myndlistaskólinn í Reykjavík veitir öryrkjum 5% afslátt af námskeiðum.

Síma- og tæknifyrirtæki

Síminn

Síminn býður öryrkjum að fá símareikningana senda heim án þess að borga seðilgjaldið. Gildir þetta fyrir alla sem eru með örorku, hvort sem hún er varanleg eða ekki. Einstaklingurinn þarf til þess að framvísa örorkuskírteini í verslun Símans eða hjá endursöluaðilum á landsbyggðinni. Komist einstaklingurinn ekki á staðinn getur hann skannað inn afrit af örorkuskírteininu og sent annaðhvort í pósti eða á netfangið 8007000(hjá)siminn.is Best er að merkja póstinn/umslagið með "v/afsláttar fyrir öryrkja".

Vodafone

Örorku- og ellilífeyrisþegar fá afslátt af gjaldi á heimasíma og er það óháð því hvaða þjónustuleið er valin. Nánari upplýsingar má finna á heimasíðu Vodafone.

Tæknisveitin

Kemur heim til þín, veitir ráðgjöf, setur tækin upp, gerir við, leggur lagnir, tengir tækin saman við önnur og fær allt til að virka. Svo færðu kennslu líka ef þörf er á því. Tæknisveitin veitir öryrkjum og eldri borgurum 10% afslátt.

Reiknivél Póst-og fjarskiptastofnunar (PFS) er ætlað að aðstoða neytendur við að gera sér grein fyrir hvaða þjónustuleiðir henta þeim miðað við ákveðna notkun fyrir síma og netþjónustu. Tilgangur reiknivélarinnar er m.a. að auka gegnsæi og skilja á milli mismunandi þjónustuþátta. Því er ekki tekið tillit til pakkatilboða og vinaafsláttar.

Strætisvagnar

Á Akureyri er frítt í Strætó og hefur verið frá árinu 2007.

Í strætisvagna á höfuðborgarsvæðinu greiða öryrkjar lægra verð við kaup á afsláttarmiðum í strætó gegn framvísun örorkuskírteinis (græna kortsins) frá Tryggingarstofnun ríkisins. Frá 67 ára aldri til 70 ára aldurs  geta öryrkjar keypt afláttarmiða út á gamla örorkuskírteinið (græna kortið). Við 70 ára aldur fá allir afslátt í strætó. Fyrir öryrkja kostar 20 miða kort 2300 kr. og hver ferð kostar því einungis 115 kr, en 9 miða kort fyrir almenning er á 3000 kr. Öryrkjar fá einnig afslátt af miðaverði ef þeir ferðast út á land með strætó.
Upplýsingar fengnar í janúar 2013 en nánari upplýsingar er hægt að finna í verðskrá Strætó bs.

Fargjald í strætisvagna Ísafjarðarbæjar greiða fullorðnir 350 krónur fyrir farið með strætó en elli- og örorkulífeyrisþegar greiða 210 krónur. Frítt er fyrir börn á grunnskólaaldri í strætó á Ísafirði. Seld eru afsláttarkort um borð í strætisvögnunum og á skrifstofu Ísafjarðarbæjar. Fullorðnir greiða fyrir 25 miða kort 6.550 kr. en elli- og örorkulífeyrisþegar greiða 3.950 kr. (eða 158 kr. fyrir hverja ferð greidda með miða) (upplýsingar fengnar í mars 2015 á heimasíðu Ísafjarðarbæjar).

Í Reykjanesbæ og nágrenni er frítt í Strætó.


Sund

Frítt  í sund

Frítt er fyrir fatlað fólk í Ásvallalaug, Suðurbæjarlaug, Sundlaug Seltjarnarness (einnig frítt fyrir fylgdarmann gegn framvísun örorkukorts), Sundhöll Hafnarfjarðar, Jaðarsbakkalaug á Akranesi, Sundhöll Selfoss,  Sundlaugina á Stokkseyri, Sundlaugina í Sandgerði, Grindavík, Vogum, Skagaströnd, Ólafsvík, Stykkishólmi, Íþróttamiðstöð Eyjafjarðarsveitar, Íþróttamiðstöð Fjallabyggðar Ólafsfirði og Sundlaug Húsavíkur, Sundlaugina á Tálknafirði (einnig frítt fyrir fylgdarmann gegn framvísun örorkukorts). Yfirlitssíða er um allar sundlaugar landsins er að finna á sundlaug.is.

Afsláttur í sund

Afsláttur er veittur fyrir öryrkja í sund á eftirtöldum stöðum:

  • Blönduósi
    Afsláttur er fyrir öryrkja í sundlaugina Blönduósi, sjá nánari upplýsingar um verð á heimasíðu íþróttamiðstöðvarinnar Blönduósi (september 2014).
  • Bolungarvík
    Öryrkjar fá árskort í sund á 2600 kr. (mars 2015). Sjá nánar á heimasíðu Bolungarvíkur.
  • Borgarbyggð
    Öryrkjar fá afslátt í sundlaugar Borgarbyggðar (Borgarnes, Kleppjárnsreykir og Varmaland), sjá nánari upplýsingar um verð og opnunartíma hér á heimasíðu Borgarbyggðar (september 2014).
  • Hólmavík
    Sveitarfélagið Strandabyggð býður öllum íbúum í sveitarfélaginu 17 ára og yngri og örorku- og ellilífeyrisþegum í Strandabyggð frítt í sund árið 2015. 
  • Hvammstanga
    75% örorkulífeyrisþegar fá afslátt í sund, sjá nánari upplýsingar um verð hér á heimasíðu Húnaþings (mars 2015).
  • Kirkjubæjarklaustri
    Öryrkjar fá 50% afslátt í sundlaugina Kirkjubæjarklaustri (mars 2015).
  • Patreksfirði
    Öryrkjar, eldri borgarar og börn 6-16 ára, fá afslátt í sundlaug Patreksfjarðar, það kostar 350 kr. í stað 650 kr. fyrir aðra (mars 2015).
  • Reykjavík

    Sjálfsbjörg félag fatlaðra á höfuðborgarsvæðinu, Hátúni 12, gefur út sundkort fatlaðra fyrir ÍTR.  Kortin eru afgreidd gegn framvísun örorkuskírteinis (græna kortið) eða ef sýnt er staðfestingarblað frá TR um að einstaklingurinn fái umönnunargreiðslur eða sé á endurhæfingalífeyri. Sundkortin gilda almannaksárið og eru afgeidd þar til einstaklingurinn er orðinn 70 ára að aldri. Gegn framvísun kortsins er frítt í sund í Reykjavík og í Fjölskyldu- og húsdýragarðinn.

    Verð korta:  1.500 kr, en kort sem gildir einnig fyrir hjálparmann kostar 2.500 kr (janúar 2015), engin aldurstakmörk eru á kortum sem gilda einnig fyrir hjálparmann.
    Kortið gildir almanaksárið þ.e.a.s. frá 1. janúar til 31. desember.

  • Sundhöll Ísafjarðar, Flateyrarlaug, Þingeyrarlaug og Suðureyrarlaug
    Sama verð er í þessar sundlaugar, nánari upplýsingar má finna á heimasíðu Ísafjarðarbæjar.

Verslanir

A4

Veitir öryrkjum 10% afslátt gegn framvísun örorkuskírteinis  (ágúst 2012).

Apótek

Mörg apótek veita öryrkjum afslátt og er um að gera að spyrja um slíkan afslátt.

Bakarí

Mörg bakarí bjóða öryrkjum afslátt. Um að gera að spyrja.

Blómagallerí

Blómagallerí, Hagamel 107 Reykjavík, gefur öryrkjum 10% afslátt (nóvember 2014).

Byggt og Búið

Byggt og búið veitir öryrkjum afslátt.

Debenhams

Debenhams veitir öryrkjum og eldri borgurum 5% afslátt við framvísun örorkukorts (nóvember 2014).

Next

Next veitir öryrkjum 15% afslátt gegn framvísun skírteinis. Í Next er stór mátunarklefi fyrir hjólastóla þar sem er auðvelt að athafna sig. Skilaréttur á vörum er 30 dagar, og  er endurgreitt gegn framvísun kvittunar. Það þýðir að hægt að kaupa föt og fara heim og máta þau í rólegheitum og skila svo því sem ekki hentar innan 30 daga. Aðgengi inn í búðina er gott, þ.e. fyrsta verslun þegar farið er inn um innganginn á efra bílaplani. Lyfta er á milli hæða, þannig að auðvelt er að komast í upp í  barna- og herradeild (ágúst 2014).

Optical Studio

Optical Studio býður öryrkjum 15% afslátt í búðinni en ef gleraugun eru send í Fríhöfnina í Leifsstöð er afslátturinn fyrir alla 20-25% (ágúst 2014). Verslanir Optical Studio eru á þremur stöðum, í Smáralind, Hafnargötu Keflavík og í Leifsstöð.

Afslættir vegna umönnunarkorta

Umönnunarkort er afsláttarkort af lækniskostnaði. Foreldrar sækja gjarnan um þetta kort til að fá ýmis lyf ódýrari. Sótt er um umönnunarkort og umönnunargreiðslur á sama eyðublaðinu. Gildistími umönnunarkortsins getur verið frá fæðingu ef um meðfæddan sjúkdóm eða fötlun er að ræða. Að öðrum kosti er miðað við greiningu og nær gildistíminn allt að 18 ára aldri. Sjá nánar á heimasíðu Tryggingastofnunar

Sum fyrirtæki veita afslátt til þeirra sem hafa umönnunarkort. Það er misjafnt eftir sveitarfélögum hvernig/hvort afsláttur sé veittur.

Fjölskyldu/-og Húsdýragarðurinn

Frítt er fyrir barn með umönnunarkort og fylgdarmann, en það þarf að sýna kortið og kortið þarf að vera í gildi. Þetta gildir fyrir alla landsmenn óháð búsetu (upplýsingar fengnar í ágúst 2013).

Sundlaugar í Hafnarfirði

Það er frítt í sundlaugar í Hafnarfirði (Sundhöllina, Suðurbæjarlaug og Ásvallalaug) fyrir börn með umönnunarkort og fylgdarmann (upplýsingar fengnar í ágúst 2013).

Bláfjöll og Skálafell

Börn á leikskólaaldri, eldri borgarar og öryrkjar fá frítt á Skíðasvæðin en þurfa þó að hafa "Hart kort" eins og aðrir. Hart kort kostar er hægt  að fylla á aftur og aftur. Mikil þægindi eru í notkun harða kortsins, þú hefur kortið í vasanum vinstra megin og þarft ekki að taka það upp þegar þú ferð í gegnum hliðin. Sjá heimasíðu Skíðasvæðanna (upplýsingar á heimasíðu í febrúar 2014).



Athugið að efni hér fyrir ofan er fengið af vef viðkomandi stofnana/fyrirtækja.